Sævar Atli Magnússon gerði jöfnunarmark Lyngby í ótrúlegu 3-3 jafntefli gegn Midtjylland í dönsku úvalsdeildinni í kvöld en liðið lenti þremur mörkum undir í leiknum.
Elías Rafn Ólafsson stóð í marki Midtjylland í leiknum á meðan Sævar Atli byrjaði á bekknum hjá Lyngby.
Midtjylland náði þriggja marka forystu í fyrri hálfleik áður en Lyngby minnkaði muninn á 44. mínútu. Það gaf liðinu von.
Sævar Atli kom inná á 55. mínútu og sex mínútum síðar fengu heimamenn vítaspyrnu sem Mathias Krisensten skoraði úr.
Á 88. mínútu jafnaði síðan Sævar metin fyrir Lyngby og tryggði liðinu þar með stig. Mögnuð endurkoma fullkomnuð en þetta var annað stig liðsins í fyrstu fjórum leikjum tímabilsins.
Aron Sigurðarson var í byrjunarliði Horsens sem tapaði fyrir Randers, 1-0. Aron fór af velli á 60. mínútu en þetta var fyrsta tap liðsins í deildinni. Horsens er í 3. sæti með 7 stig.
Lærisveinar Brynjars Björns Gunnarsson í Örgryte gerðu 2-2 jafntefli við Eskilstuna í sænsku B-deildinni. Örgryte er í 15. sæti með 14 stig.
Þarnaaa!!! @saevaratli7 með sitt fyrsta danska úrvalsdeildarmark! 3-3 jöfnunarmark eftir að Lyngby lenti 0-3 undir. #SAM #fotboltinet pic.twitter.com/VWiGAnCsK3
— Elvar Geir Magnússon (@elvargeir) August 5, 2022
Athugasemdir