Ungverski markvörðurinn Peter Gulacsi verður ekki meira með Leipzig á tímabilinu eftir að hafa slitið krossband í 3-1 sigri liðsins á Celtic í Meistaradeildinni í kvöld.
Gulacsi meiddist á 11. mínútu leiksins. Josko Gvardiol setti hann undir pressu með slakri sendingu til baka og neyddist markvörðurinn til að fara í það að hreinsa boltann.
Í kjölfarið meiddist Gulacsi og þurfti að yfirgefa völlinn á börum en nú hefur Leipzig greint frá alvarleika meiðslanna.
Gulacsi sleit krossband í hné og er því ljóst að hann verður ekki meira með á tímabilinu.
Þungt högg fyrir Leipzig en Gulacsi er með bestu markvörðum þýsku deildarinnar og hefur verið síðustu ár.
Péter Gulácsi hat sich im Spiel gegen Celtic Glasgow schwer am Knie verletzt. Unser Kapitän zog sich in der 10. Minute ohne Fremdeinwirkung einen Riss des vorderen rechten Kreuzbandes zu und wird längere Zeit ausfallen.
— RB Leipzig (@RBLeipzig) October 5, 2022
In den kommenden Tagen folgen weitere Untersuchungen. pic.twitter.com/JidKY0TYAZ
Athugasemdir