Gulacsi meiddist á 11. mínútu leiksins. Josko Gvardiol setti hann undir pressu með slakri sendingu til baka og neyddist markvörðurinn til að fara í það að hreinsa boltann.

Í kjölfarið meiddist Gulacsi og þurfti að yfirgefa völlinn á börum en nú hefur Leipzig greint frá alvarleika meiðslanna.

Gulacsi sleit krossband í hné og er því ljóst að hann verður ekki meira með á tímabilinu.

Þungt högg fyrir Leipzig en Gulacsi er með bestu markvörðum þýsku deildarinnar og hefur verið síðustu ár.