Líkleg byrjunarlið Englands og Íslands

England og Ísland leika vináttulandsleik á Wembley annað kvöld en um er að ræða síðasta undirbúningsleik enska liðsins fyrir Evrópumótið í Þýskalandi.

Gareth Southgate tefldi fram hálfgerðu varaliði á mánudaginn þegar England vann 3-0 sigur gegn Bosníu en mun væntanlega stilla upp sterkara liði gegn Íslandi.

Jude Bellingham kom seinna til móts við hópinn eftir að hafa spilað í sigri Real Madrid gegn Borussia Dortmund í úrslitaleik Meistaradeildarinnar á laugardag og ekki búist við því að hann spili.

Luke Shaw er ekki klár í slaginn og búast má við því að Kieran Trippier spili öfugan bakvörð og leysi af vinstra megin. Sterkustu vopn Englands eru sóknarlega og hörð barátta er um sæti á miðsvæðinu.