Fótboltahugsuðurinn Ralf Rangnick er mættur til Rússlands þar sem hann er tekinn við sem yfirmaður íþróttamála hjá Lokomotiv Moskvu þar í landi.
Rangnick skrifaði undir þriggja ára samning í rússnesku höfuðborginni.
Rangnick hefur starfað á íþrótta- og þróunarsviði Red Bull undanfarin ár, en orkudrykkjaframleiðandinn er með mörg íþróttafélög.
Rangnick er 61 árs gamall en hann hefur haft gríðarleg áhrif á fótboltann í Þýskalandi og í heiminum öllum. Hann hefur verið kallaður guðfaðir 'Gegenpressing' en það er þegar lið fer strax í pressu eftir að hafa misst boltann, í stað þess að falla til baka.
Ferill Rangnick hefur á pappír ekki verið sérstaklega eftirtektarverður en hann er sagður hafa veitt þjálfurum á borð við Jurgen Klopp, Thomas Tuchel og Julian Nagelsmann mikinn innblástur.
Athugasemdir