Ungstirnið Bukayo Saka verður klár fyrir leik Englands og Danmerkur á morgun í undanúrslitum EM.
Þetta staðfesti landsliðsþjálfari Englands, Gareth Southgate, í gær en Saka var ekki með í síðasta leik gegn Úkraínu.
Þessi 19 ára gamli leikmaður hafði spilað vel á mótinu en meiddist svo fyrir leikinn í 8-liða úrslitunum.
Southgate staðfesti að Saka væri á góðum batavegi og að hann yrði klár fyrir þennan gríðarlega mikilvæga leik.
Saka byrjaði ekki fyrstu tvo leiki Englands í riðlakeppninni en var svo frábær í þriðja leiknum gegn Tékkum þar sem hann var valinn maður leiksins.
Athugasemdir