Einum leik er enn ólokið í Evrópukeppnum í kvöld en það er viðureign Malmö og Union Berlin í D-riðli Evrópudeildarinnar.
Leikurinn fór af stað en stuðningsmenn Union létu öllum illum látum og var ákveðið að fresta leiknum.
Þýsku stuðningsmennirnir komust með flugelda í stúkuna og skutu í átt að stuðningsmönnum Malmö og inná völlinn. Leikmenn voru sendir inn í klefa á meðan reynt var að leysa málin.
Hasarnum var ekki lokið þegar liðin voru komin inn í klefa en þá sprakk sprengja á vellinum.
Leikurinn er hafinn að nýju og eru gestirnir með 1-0 forystu en manni færri þegar tæpar 5 mínútur eru til leiksloka.
Athugasemdir