Carlo Ancelotti, stjóri Everton, þekkir vel þá pressu sem fylgir því að stýra Chelsea. Chelsea hefur tapað fjórum af síðustu sex leikjum og talað um að Frank Lampard gæti misst starfið.

Lampard fékk háar fjárhæðir til leikmannakaupa og styrkti lið sitt með Kai Havertz, Timo Werner, Ben Chilwell, Thiago Silva og Edouard Mendy.

Ancelotti var rekinn frá Chelsea eftir titlalaust tímabil 2010-11, liðið hafnaði þá í öðru sæti en hafði unnið deildina og bikarinn undir hans stjórn á tímabilinu á undan.

Ancelotti segir að Roman Abramovich, eigandi Chelsea, þurfi að gefa Lampard tíma til að koma liðinu aftur á beinu brautina.

„Þeir hafa fengið marga nýja menn og það þarf að vera þolinmæði, eitthvað sem er lítið af í fótboltanum í dag," segir Ancelotti.

Glenn Hoddle, fyrrum leikmaður Chelsea, tekur undir þessi orð Ancelotti.

„Hann verður að fá tíma. Þetta er verk í vinnslu hjá Chelsea. Liðinu vegnar illa gegn toppliðunum og þarf að finna lausn á því. Sem stendur virðast þeir ekki tilbúnir að vinna deildina," segir Hoddle.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit