Malen, Maguire, Rashford, Greenwood, Yoro, Eriksen og fleiri góðir í slúðri dagsins
   þri 07. apríl 2020 07:30
Ívan Guðjón Baldursson
Peter Moore í október: Hvað myndi Shankly gera?
Peter Moore ásamt Virgil van Dijk eftir sigur á HM félagsliða í desember.
Peter Moore ásamt Virgil van Dijk eftir sigur á HM félagsliða í desember.
Mynd: Getty Images
Peter Moore, framkvæmdastjóri Liverpool, hefur legið undir mikilli gagnrýni fyrir sinn þátt í ákvörðun félagsins um að nýta ríkisaðstoð til að greiða starfsfólki sínu laun á meðan kórónaveiran ríður yfir.

Liverpool dró ákvörðun sína til baka í gær og baðst afsökunar á að hafa ætlað að nota pening skattgreiðenda til að borga laun, þrátt fyrir að hafa hagnast um fleiri tugi milljóna punda á síðasta fjárhagsári.

Meðan gagnrýnin stóð sem hæst voru ummæli Moore frá október í fyrra grafin upp. Þar sagði hann að Liverpool færi eftir gildum skoska sósíalistans Bill Shankly í öllum sínum viðskiptamálum. Moore var spurður hvað það væri sem greindi Liverpool að frá öðrum evrópskum stórveldum.

„Við erum með þessa frábæru goðsögn sem heitir Bill Shankly. Hann var skoskur sósíalisti sem byggði undirstöðuna að því sem Liverpool er í dag," sagði Moore í viðtali við El Pais. „Enn þann dag í dag, þegar það kemur að viðskiptamálum, þá spyrjum við okkur: 'Hvað myndi Shankly gera?'"

Það þykir nokkuð ljóst að Shankly hefði ekki dýft sér í ríkiskassann til að spara eina og hálfa milljón punda eftir að hafa hagnast um 42 milljónir á fjárhagsárinu sem kom á undan.

Sjá einnig:
Liverpool notar úrræði stjórnvalda - „Líður ekki eins og fjölskyldumeðlimi"
Piers Morgan um ákvörðun Liverpool: Skammarlegt - Samþykkti Klopp þetta?
Carragher: Lélegt hjá Liverpool
Hamann undrandi á ákvörðun Liverpool - Gegn gildum félagsins
Liverpool hættir við að nota úrræðið - Margir hneyksluðust
Stuðningsmannahópur Liverpool vill útskýringu frá félaginu
Liverpool neitaði að endurgreiða stuðningsmönnum Atletico
Athugasemdir
banner
banner
banner
banner