„Þetta hefur verið áskorun. Það er ekkert verið að virða frídag Verkalýðsins á þessum tímum," sagði Birkir Sveinsson, mótastjóri KSÍ, við Fótbolta.net í dag.
„Mestu áskoranirnar voru í fyrstu og þriðju deild til að verstu ferðalögin seu ekki í miðri viku. Eins og fyrir Vestra að fara að keppa við Leikni Fáskrúðfjörð á Reyðarfirði, það er eins og að fara í Evrópuleik fyrir önnur lið."
Birkir hefur haft í nægu að snúast undanfarna daga við að endurraða Íslandsmótinu í öllum leikjum.
Keppni í Pepsi Max-deild karla á að ljúka 31. október og bikarúrslitaleikurinn á að vera 7. nóvember. Það gæti breyst ef landsleikjum og Evrópuleikjum í haust verður breytt.
„Þess vegna röðuðum við mótunum í Pepsi Max-deild karla og kvenna nema fram að Verslunarmannahelgi. Við getum brugðist við nýjum upplýsingum eftir Verslunarmannahelgi," sagði Birkir.
Hér að ofan má sjá viðtalið við Birki í heild.
Athugasemdir
