Einn leikur fór fram í Lengjudeild karla í dag þegar Njarðvík og Keflavík mættust í Njarðvík. Liðin gerðu markalaust jafntefli í þessum Ljósanæturleik.
Lestu um leikinn: Njarðvík 0 - 0 Keflavík
Leikurinn var gífurlega mikilvægur fyrir bæði lið sem eru í baráttu um að komast upp í Bestu deildina.
Fyrir leik voru Keflvíkingar í 2. sæti deildarinnar með 34 stig, eins og Fjölnir en með betri markatölu. Njarðvíkingar sátu í 6. sætinu fyrir leik, aðeins einu stigi á eftir ÍR.
Leikurinn fór fremur hægt af stað. Ásgeir í marki Keflavíkur varði vel eftir skot frá Símoni Loga eftir kortersleik sem var hættulegasta færi fyrri hálfleiksins.
Eftir lokaðan fyrri hálfleik opnaðist leikurinn lítið í þeim seinni. Keflvíkingar fengu þó færi eftir 10 mínútna seinni hálfleik þegar Ari Steinn átti skot sem Aron Snær varði vel.
Leikurinn opnaðist síðan aðeins þegar að leið á en lítið um dauðafæri og leiknum lauk með markalausu jafntefli.
Núna eru Keflvíkingar jafnir á stigum og topplið ÍBV sem á heimaleik gegn Grindavík á morgun. Njarðvíkingar eru komnir upp fyrir ÍR á markatölu og eru í 5. sætinu. Bæði lið eiga einn leik eftir af tímabilinu nema þau enda í 2.- til 5. sæti. Njarðvík á útileik gegn Grindavík og Keflavík á heimaleik gegn Fjölni.
Njarðvík 0 - 0 Keflavík
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 22 | 11 | 6 | 5 | 50 - 27 | +23 | 39 |
| 2. Keflavík | 22 | 10 | 8 | 4 | 37 - 24 | +13 | 38 |
| 3. Fjölnir | 22 | 10 | 7 | 5 | 34 - 28 | +6 | 37 |
| 4. Afturelding | 22 | 11 | 3 | 8 | 39 - 36 | +3 | 36 |
| 5. ÍR | 22 | 9 | 8 | 5 | 30 - 28 | +2 | 35 |
| 6. Njarðvík | 22 | 8 | 9 | 5 | 34 - 29 | +5 | 33 |
| 7. Þróttur R. | 22 | 8 | 6 | 8 | 37 - 31 | +6 | 30 |
| 8. Leiknir R. | 22 | 8 | 4 | 10 | 33 - 34 | -1 | 28 |
| 9. Grindavík | 22 | 6 | 8 | 8 | 40 - 46 | -6 | 26 |
| 10. Þór | 22 | 6 | 8 | 8 | 32 - 38 | -6 | 26 |
| 11. Grótta | 22 | 4 | 4 | 14 | 31 - 50 | -19 | 16 |
| 12. Dalvík/Reynir | 22 | 2 | 7 | 13 | 23 - 49 | -26 | 13 |
