Rúnar Már á leið til rúmensku meistaranna

Íslenski landsliðsmaðurinn Rúnar Már Sigurjónsson er á leið til Cluj í Rúmeníu en þetta segja fjölmiðlar þar í landi.

Greint var frá þessu um helgina og eru viðræður sagðar langt á veg komnar.

Félagaskiptaglugginn í Rúmeníu lokar næstkomandi mánudag.

Hinn þrítugi Rúnar Már hefur undanfarin tvö ár spilað með Astana í Kasakstan.

Cluj er núverandi meistari í Rúmeníu en liðið hefur orðið sex sinnum meistari síðan árið 2008.