Búast við að De Bruyne skrifi undir - Chelsea vill kaupa Trafford - Thiago spilandi aðstoðarþjálfari Barca - PSG býður 100 milljónir fyrir...
   mið 08. febrúar 2023 16:30
Sæbjörn Þór Þórbergsson Steinke
Hvaða lið tekur sæti Ýmis í 4. deild?
Málið tekið fyrir á morgun
Einherji vann 4. deild í fyrra.
Einherji vann 4. deild í fyrra.
Mynd: Ingvi Ingolfsson
Einherji tilkynnti í síðustu viku að liðið myndi ekki senda lið til keppnis í meistaraflokki karla á komandi tímabili. Einherji vann 4. deildina á síðasta tímabili og átti að spila í 3. deild í sumar.

Ýmir endaði í 3. sæti 4. deildar á síðasta tímabili og mun fylgja Árbæ upp í 3. deildina.

Þá standa eftir níu lið í 4. deild, liðin tvö sem féllu úr 3. deild í fyrra; Vængir Júpíters og KH og liðin sjö sem fóru í úrslitakeppni 4. deildar í fyrra en komust ekki upp; GG, Árborg, KFK, Hamrarnir, Uppsveitir, Tindastóll og Hvíti riddarinn.

Tíu lið, efstu tvö lið riðlanna fimm, fóru í úrslitakeppnina en eins og fyrr segir fara Árbær og Ýmir upp í 3. deild og Einherji verður ekki með lið.

En hvert verður 10. lið 4. deildar? Öll hin liðin í 4. deildinni í fyrra verða í nýrri 5. deild. Í svari við fyrirspurn Fótbolta.net verður málið afgreitt á fundi stjórnar KSÍ á morgun.

Spyrnir, Skallagrímur, Hamar, Álftanes og KÁ enduði í 3. sæti í sínum riðlum í fyrra og gæti eitt þeirra verið liðið sem fyllir upp í 4. deildina tímabilið 2023.
Athugasemdir
banner
banner