fim 08. september 2022 22:09
Jóhann Þór Hólmgrímsson
Grét þegar hann skoraði sitt fyrsta mark fyrir Arsenal
Marquinhos
Marquinhos
Mynd: EPA

Hinn 19 ára gamli Brasilíumaður, Marquinhos, lék sinn fyrsta leik fyrir aðallið Arsenal í kvöld þegar liðið vann 2-1 sigur á Zurich í Evrópudeildinni.


Hann var allt í öllu og skoraði fyrsta markið í leiknum. Zurich jafnaði metin en Marquinhos lagði upp sigurmarkið á Eddie Nketiah.

Marquinhos kom Arsenal yfir eftir rúmlega stundarfjórðung en hann brast í grát í fagnaðarlátunum. Tilfinningaþrungin stund að spila sinn fyrsta leik fyrir Arsenal.

Hann gekk til liðs við félagið í sumar frá Sao Paulo í heimalandi sínu en hann hefur spilað tvo leiki fyrir varalið Arsenal og skorað þrjú mörk.

Sjáðu markið.



Athugasemdir
banner
banner
banner
banner