Einkunnagjöf Íslands: Gylfi maður leiksins

---

Hannes Þór Halldórsson 7
Hafði mjög lítið að gera. Átti ekki roð í vítaspyrnuna en var öruggur í sínum aðgerðum.

Guðlaugur Victor Pálsson 8
Er að negla stöðuna í hægri bakverðinum. Vann marga bolta í loftinu og átti magnaðan sprett í síðari hálfleiknum.

Kári Árnason 8 (86)
Frábær eins og alltaf í landsleikjum. Fór meiddur af velli undir lokin.

Ragnar Sigurðsson 7
Öflugur að venju við hlið Kára. Fékk á sig umdeilda vítaspyrnu.

Hörður Björgvin Magnússon 7
Traustur í vinstri bakverðinum.

Jóhann Berg Guðmundsson 8 (83)
Hættulegur með boltann. Átti sendinguna á Gylfa í fyrra markinu.

Aron Einar Gunnarsson 8
Öflug fyrirliða frammistaða á miðjunni. Gat tekið meiri þátt í sóknarleiknum en oft áður með Birki sér við hlið.

Birkir Bjarnason 8
Mikið í boltanum. Kann mjög vel við sig á miðjunni.

Arnór Ingvi Traustason 7
Mjög vinnusamur. Flott frammistaða.

Gylfi Þór Sigurðsson 9
Gerði gæfumuninn í leiknum. Skoraði tvö stórkostleg mörk með vinstri fæti. Afgreiðslur í heimsklassa.

Alfreð Finnbogason 8
Lagði upp síðara markið á Gylfa með magnaðri sendingu. Skoraði en var dæmdur rangstæður. Mjög tæpt.

Varamenn

Kolbeinn Sigþórsson (75)
Spilaði of stutt til að fá einkunn.

Rúnar Már Sigurjónsson (83)
Spilaði of stutt til að fá einkunn.

Sverrir Ingi Ingason (86)
Spilaði of stutt til að fá einkunn.