Aron Elí heldur tryggð við Aftureldingu.
Bakvörðurinn Aron Elí Sævarsson hafnaði því að ganga í raðir Vals og hefur ákveðið að gera nýjan samning við Aftureldingu.
Aron Eli er uppalinn Valsari og bróðir Birkis Más Sævarssonar en hefur verið algjör lykilmaður og fyrirliði Aftureldingar undanfarin ár.
Aron Eli er uppalinn Valsari og bróðir Birkis Más Sævarssonar en hefur verið algjör lykilmaður og fyrirliði Aftureldingar undanfarin ár.
Samkvæmt heimildum Fótbolta.net lagði Valur áherslu á að reyna að fá Aron til sín en hann ákvað að halda tryggð við Mosfellinga.
Aron er 27 ára og hefur leikið með Aftureldingu síðan 2020. Hann lyfti bikarnum þegar Afturelding vann Keflavík í umspili Lengjudeildarinnar á liðnu tímabili. Afturelding leikur í fyrsta sinn í efstu deild næsta sumar.
Hann er fyrrum leikmaður Hauka, Þórs og HK í meistaraflokki.
Athugasemdir
