Á dögunum unnu Reggístrákarnir 1-0 sigur á Dóminíska lýðveldinu og fylgdl liðið þeim sigri á eftir með því að vinna Dóminíku í kvöld.

Shamar Nicholson skoraði tvö mörk fyrir Jamaíku, seinna úr vítaspyrnu og þá gerði Kaheim Dixon eitt. Dóminíka náði að koma sér inn í leikinn á lokamínútunum með að skora tvö mörk, en það var of seint fyrir heimamenn og lokatölur 3-2, Jamaíku í vil.

Jamaíka er með fullt hús stiga í undankeppni HM og mætir nú vel undirbúið til leiks í Copa America en Jamaíka er ein af gestaþjóðunum í ár.

Liðið er í riðli með Ekvador, Mexíkó og Venesúela, en fyrsti leikurinn er gegn Mexíkó þann 23. júní.