Daníel Leó og Jökull báðir í baráttu um að komast í umspil

Daníel Leó hefur verið mikið frá á þessu tímabili vegna meiðsla en hann var í byrjunarliðinu í dag þegar Blackpool gerði jafntefli á útivelli gegn Lincoln í C-deildinni.

Daníel Leó spilaði allann tímann en leikurinn endaði með 2-2 jafntefli. Blackpool er í fjórða sæti og er eins og staðan er núna á leið í umspil um sæti í B-deild.

Jökull hefur verið frábær í markinu hjá Exeter í D-deild Englands. Hann stóð vaktina í dag í 4-1 útisigri á Cambridge. Exeter er í áttunda sæti, einu stigi frá umspilinu þegar liðið á eftir að spila níu leiki.

Jökull er með efnilegustu markvörðum landsins en hann er aðeins 19 ára gamall.