Tveir leikir fóru í kvöld fram í ensku Championship-deildinni. Fulham og Luton sigruðu leikina báða með tveimur mörkum og án þess að fá á sig mark.

Sonny Bradley og Elliot Lee sáu til þess að Luton fór upp úr neðsta sæti deildarinnar. Luton er núna þremur stigum frá öruggu sæti þegar liðið á þrjá leiki eftir. Huddersfield, andstæðingur Luton í kvöld, er þremur stigum fyrir ofan Luton í 6. neðsta sæti.

Í seinni leik dagsins sigraði Fulham lið Cardiff með mörkum Aleksandar Mitrovic og Josh Onomah. Fulham fer með sigrinum upp í 3. sæti og er fjórum stigum frá WBA og fimm stigum frá toppliði Leeds. Brentford getur endurheimt 3. sætið á morgun með stigi eða sigri.