David Silva er sagður ætla að skrifa undir þriggja ára samning hjá Lazio í dag.
Fjöldi ítalskra fjölmiðla fjallar um þetta.
Fjöldi ítalskra fjölmiðla fjallar um þetta.
Hinn 34 ára gamli Silva er að yfirgefa Manchester City eftir glæstan feril á Englandi. Hann fer frá félaginu sem einn besti leikmaður í sögu City og núna mun hann væntanlega klára ferilinn á Ítalíu. Hann fékk líka fyrirspurnir frá Bandaríkjunum en ætlar að takast á við nýja áskorun á Ítalíu.
Spánverjinn mun klára Meistaradeildina með Man City í þessum mánuði og róa svo á önnur mið.
Talið er að hann fái góð laun á Ítalíu, sem og einkaþotu fyrir ferðalög til Spánar og verður hann með einkabílstjóra í Róm.
Lazio hafnaði í fjórða sæti ítölsku úrvalsdeildarinnar og verður í Meistaradeildinni á næsta tímabili.
Athugasemdir