Veigar Páll tekur þátt í „Allir geta dansað"

Veigar Páll Gunnarsson, aðstoðarþjálfari Stjörnunnar, verður á meðal þátttakenda í sjónvarpsseríunni „Allir geta dansað" á Stöð 2 í vetur.

Veigar Páll er fyrrum landsliðs og atvinnumaður í fótbolta en hann er afar leikinn með boltann. Í sjónvarpsþáttunum fær hann tækifæri til að sýna danshæfileika sína.

Um er að ræða seríu númer tvö í „Allir geta dansað" á Íslandi.

Erlendis hafa fótboltamenn áður tekið þátt í dansþáttum og má nefna þá Peter Schmeichel, John Barnes, Robbie Savage og David James sem hafa allir tekið þátt í „Strictly Come Dancing" í Englandi.