Kórdrengir tóku á móti Aftureldingu fyrr í dag í Safamýrinni, leikar enduðu 4-0 fyrir Kórdrengjum, Davíð Smári kom mjög sáttur í viðtal eftir leik.
Lestu um leikinn: Kórdrengir 4 - 0 Afturelding
„Ég er hrikalega sáttur með sigurinn, hinsvegar fannst mér við getað verið aðeins betri. Mér fannst við alveg hræðilegir fyrstu 20 mínúturnar, við tókum okkur langan tíma að koma okkur inn í leikinn. Sem betur fer voru þeir ekkert betri en við, við vorum heppnir þar. Eftir um 25 mínútur fannst mér við taka yfir leikinn og vera sterkari aðilinn allt til enda."
Kórdrengir hafa unnið 4 af síðustu 5 leikjum sínum og eru í 5. sæti deildarinnar.
„Það voru hlutir sem voru ekki alveg í lagi hjá okkur í byrjun tímabils við vorum lengi í gang og náðum aldrei að komast á neitt run og þessháttar, ákveðið aðstöðuleysi sem spilaði inn í þar."
„Ég er alveg klár á því að við erum eitt af 3-4 bestu liðunum í þessari deild. Hlutirnir bara féllu ekki fyrir okkur í ár, smá stöngin út það er bara einn leikur eftir og væri gaman ef við myndum ná að lyfta okkur einu sæti ofar."
Viðtalið má sjá í heild sinni hér að ofan.
Athugasemdir
