Eftir þrælskemmtilega fyrstu umferð Bestu deildarinnar fer önnur umferð af stað annað kvöld með leik Stjörnunnar og KR.
Á laugardag leikur Breiðablik gegn Vestra og FH heimsækir KA. Á sunnudag mætast HK og ÍA auk þess sem Fylkir leikur gegn Val og umferðinni lýkur með viðureign Fram og Víkings.
Hér eru tíu leikmenn sem spennandi verður að fylgjast með í 2. umferðinni.
Á laugardag leikur Breiðablik gegn Vestra og FH heimsækir KA. Á sunnudag mætast HK og ÍA auk þess sem Fylkir leikur gegn Val og umferðinni lýkur með viðureign Fram og Víkings.
Hér eru tíu leikmenn sem spennandi verður að fylgjast með í 2. umferðinni.
Atli Sigurjónsson, KR - Sá eini sem skoraði meira en eitt mark í fyrstu umferð og hefur því tekið forystu í baráttu um gullskóinn! Hvað gerir Atli í Garðabænum?
Andri Rúnar Bjarnason, Vestri - Sóknarmaðurinn skæði missti af fyrstu umferðinni en ætti að vera klár í að vera í hóp í Kópavoginum.
Bjarni Mark Antonsson, Valur - Átti flotta frumraun sem aftasti miðjumaður Vals í Bestu deildinni og mun líklega halda uppteknum hætti í Árbænum.
Daníel Hafsteinsson, KA - Lykilmaður KA þarf að vera í gírnum á laugardag þegar liðið tekur á móti hans fyrrum félagi FH.
Helgi Guðjónsson,Víkingur - Greip tækifærið í byrjunarliði Víkings með marki og stoðsendingu. Hvað gerir hann gegn uppeldisfélagi sínu?
Hinrik Harðarson, ÍA - Sóknarmaðurinn ungi var öflugur með ÍA á undirbúningstímabilinu. Það var vitað mál að það yrði erfitt verkefni fyrir ÍA í fyrstu umferð en nú mæta þeir öllu álitlegri andstæðingi.
Ísak Snær Þorvaldsson, Breiðablik - Það brast út mikill fögnuður í Kópavogi þegar Ísak tilkynnti um heimkomu. Hann ætti að vera með á laugardaginn.
Kyle McLagan, Fram - Það verður vandasamt verk fyrir McLagan að halda sínum fyrrum samherjum í Víkingi í skefjum.
Luke Rae, KR - Skoraði fallegasta mark fyrstu umferðar og ætlar væntanlega að mæta með skotskóna í Garðabæinn.
Óli Valur Ómarsson, Stjarnan - Kominn aftur í Stjörnuna og kom inn af bekknum í lokin gegn Víkingi. Verður væntanlega í byrjunarliðinu á morgun.
Athugasemdir
