Per-Mathias Högmo.
Norðmaðurinn Per-Mathias Högmo var í morgun orðaður við landsliðsþjálfarastarf Íslands en það er ekki eina starfið sem hann er orðaður við þessa stundina.
Hinn 65 ára gamli Högmo hefur einnig verið orðaður við Brann í Noregi en það starf er laust eftir að Eirik Horneland hætti störfum nýverið.
Hinn 65 ára gamli Högmo hefur einnig verið orðaður við Brann í Noregi en það starf er laust eftir að Eirik Horneland hætti störfum nýverið.
Hann er líka sagður á lista Häcken í Svíþjóð þar sem hann vann áður fyrr frábært starf. Hann gerði Häcken að Svíþjóðarmeistara og vann bikarinn þar líka.
Högmo starfaði síðast hjá Urawa Red Diamonds í Japan en var rekinn í ágúst, eftir að hafa verið sex mánuði í starfi.
Fyrsta verkefni nýs landsliðsþjálfara verður einvígi gegn Kosóvó í mars þar sem Ísland berst um að halda sæti sínu í B-deild Þjóðadeildarinnar. Heimaleikur Íslands í því einvígi verður spilaður í Murcia á Spáni.
Athugasemdir
