Heimild: Aftenposten
Þættirnir fjalla um Helenu Mikkelsen sem ráðin er þjálfari norska úrvalsdeildarliðsins Varg.
Svo virðist sem það verði ekki gerð þriðja þáttaröð af þáttunum um fótboltaþjálfarann Helenu Mikkelsen.
Þessir norsku sjónvarpsþættir slógu rækilega í gegn og voru sýndir hér á Íslandi á RÚV.
Önnur þáttaröðin kom út árið 2019 og var íslenska þjóðhetjan Lars Lagerback með lítið hlutverk þar.
Þættirnir fjalla um Helenu Mikkelsen sem ráðin er þjálfari norska úrvalsdeildarliðsins Varg. Hún er fyrsta konan sem þjálfar í úrvalsdeild karla í Noregi. Ane Dahl Torp fer með aðalhlutverkið og John Carew, sem lék meðal annars í ensku úrvalsdeildinni, fer einnig með stórt hlutverk.
New York Times, einn virtasti fjölmiðill heims, gaf þáttunum hæstu einkunn en norska ríkisútvarpið ákvað að gera ekki þáttaröð númer þrjú. Johan Fasting, sem bjó til þættina, segist vera búinn að skrifa þáttaröð þrjú og fjögur en hvort þær verði nokkurn tímann gerðar er óvíst.
Athugasemdir
