Hann skoraði er liðið mætti FH í fjórðu umferð deildarinnar en fagn hans þar vakti nokkra athygli. Hann fékk bolta frá boltastráknum og setti hann inn fyrir treyju sína.

Eftir leikinn útskýrði Arnór fagnið er hann ræddi við fréttamann Fótbolta.net.

„Við kærastan eigum von á okkar öðru barni í október á þessu ári. Ég tók svipað fagn út í Lilleström þegar frumburðurinn kom og mér fannst flott augnablik að taka það líka núna," sagði Arnór.

Á meðfylgjandi mynd má sjá hvernig Arnór fagnaði og hér fyrir neðan má skoða viðtalið sem hann fór í eftir leikinn gegn FH síðasta föstudagskvöld.