Rosaleg umferð að baki í ensku úrvalsdeildinni. Manchester City fagnaði sigri á laugardag og Arsenal vann svo hádramatískan sigur gegn West Ham á sunnudaginn. Troy Deeney sérfræðingur BBC hefur valið úrvalslið umferðarinnar en hann telur að Arsenal hafi tryggt sér titilinn með úrslitum helgarinnar.
Markvörður: David Raya (Arsenal) - Átti vörslu sem gæti hafa tryggt Arsenal titilinn, þegar hann varði frá Mateus Fernandes.
Varnarmaður: Levi Colwill (Chelsea) - Leiðtogi sem hefur gert vel í endurkomu eftir erfið meiðsli. Chelsea gerði 1-1 jafntefli gegn Liverpooll
Varnarmaður: James Tarkowski (Everton) - Mjög öflugur á tímabilinu. Mark og stoðsending í 2-2 jafnteflinu gegn Crystal Palace.
Varnarmaður: Gabriel (Arsenal) - Hrikalega traustur.
Varnarmaður: Maxim de Cuyper (Brighton) - Vinstri bakvörðurinn átti tvær stoðsendingar í 3-0 sigri gegn Úlfunum.
Miðjumaðurinn: Rayan (Bournemouth) - Brassinn skoraði sigurmarkið gegn Fulham. Þessi 19 ára leikmaður hefur verið virkilega góður, sérstaklega seinni hluta móts.
Miðjumaður: Myles Lewis-Skelly (Arsenal) - Byrjaði á miðjunni og færðist svo í bakvörðinn. Einn af þeim sem hefur stigið vel upp.
Miðjumaður: Ryan Gravenberch (Liverpool) - Glæsilegt mark gegn Chelsea.
Miðjumaður: Jeremy Doku (Man City) - Þvílíkur mánuður hjá honum. Er á flugi og skoraði gegn Brentford.
Sóknarmaður: Ollie Watkins (Aston Villa) - Skoraði í 2-2 jafntefli gegn Burnley.
Sóknarmaður: Erling Haaland (Man City) - Mark og stoðsending.
Stjórinn: Mikel Arteta (Arsenal) - Er að landa titlinum eftir úrslitin gegn West Ham.
