Það er stutt í næstu undankeppni. Flautað verður til leiks í undankeppni HM 2022 í mars, en dregið verður í riðla þann 7. desember næstkomandi.

Ekki er enn ljóst hvort að Ísland verði í öðrum eða þriðja styrkleikaflokki þegar dregið verður. Eftir tapið í kvöld er líklegra að það verði þriðji styrkleikaflokkur.

Víðir Reynisson, fyrrum öryggisstjóri KSÍ sem starfar núna sem yfirlögregluþjónn almannavarnarsviðs hjá ríkislögreglustjóra, er stoltur af liðinu. Hann er farinn að hugsa um næstu undankeppni.

„Ótrúlega stoltur af baráttu og hugarfari strákanna okkar. #förumþábaraáhm," skrifar Víðir á Twitter í kvöld.