Fylkismenn kynna Eyþór með skemmtilegu myndbandi.
Eyþór Aron Wöhler hefur skrifað undir tveggja ára samning við Fylki en Árbæjarliðið féll úr Bestu deildinni í fyrra. Fótbolti.net sagði frá því í síðasta mánuði að Eyþór væri á leið til félagsins.
„Það er okkur Fylkisfólki mikið fagnaðarefni að hafa náð samkomulagi við Eyþór sem við sjáum sem mikilvæga viðbót við öflugan leikmannahóp okkar sem mun gera atlögu að því að komast beint í deild þeirra bestu aftur," segir í tilkynningu Fylkis.
Eyþór gekk í raðir KR skömmu eftir að tímabilið 2024 hófst en náði ekki að láta ljós sitt skína. Hann spilaði 22 leiki í deild og bikar og skoraði í þeim þrjú mörk og var samningi hans rift eftir tímabilið. Hann er 22 ára sóknarmaður sem uppalinn er hjá Aftureldingu og hefur einnig leikið með Breiðabliki og ÍA.
Eyþór var mjög áberandi á liðnu ári en hann og Kristall Máni Ingason mynda dúettinn Húbbabúbba sem hefur slegið rækilega í gegn með smellum sínum. Eyþór var kynntur hjá Fylki með mjög skemmtilegu myndbandi sem hægt er að sjá hér að neðan.
„Ég er afar sáttur með að ganga í raðir Fylkismanna á þessum tímapunkti. Hér í Árbænum er allt til staðar og ég mun gera allt til þess að standa mig vel í appelsínugulu treyjunni á næstu árum,” er haft eftir Eyþóri í tilkynningu Fylkis.
„Það er okkur Fylkisfólki mikið fagnaðarefni að hafa náð samkomulagi við Eyþór sem við sjáum sem mikilvæga viðbót við öflugan leikmannahóp okkar sem mun gera atlögu að því að komast beint í deild þeirra bestu aftur," segir í tilkynningu Fylkis.
Eyþór gekk í raðir KR skömmu eftir að tímabilið 2024 hófst en náði ekki að láta ljós sitt skína. Hann spilaði 22 leiki í deild og bikar og skoraði í þeim þrjú mörk og var samningi hans rift eftir tímabilið. Hann er 22 ára sóknarmaður sem uppalinn er hjá Aftureldingu og hefur einnig leikið með Breiðabliki og ÍA.
Eyþór var mjög áberandi á liðnu ári en hann og Kristall Máni Ingason mynda dúettinn Húbbabúbba sem hefur slegið rækilega í gegn með smellum sínum. Eyþór var kynntur hjá Fylki með mjög skemmtilegu myndbandi sem hægt er að sjá hér að neðan.
„Ég er afar sáttur með að ganga í raðir Fylkismanna á þessum tímapunkti. Hér í Árbænum er allt til staðar og ég mun gera allt til þess að standa mig vel í appelsínugulu treyjunni á næstu árum,” er haft eftir Eyþóri í tilkynningu Fylkis.
Athugasemdir
