Sveinn Gísli byrjar hjá Víkingi.
Davíð Örn er mættur á völlinn og er í byrjunarliðinu.
Það vekur athygli að Sveinn Gísli Þorkelsson er í byrjunarliði Víkingi en hann hefur ekki mikla reynslu úr stórum leikjum með Víkingi. Víkingar eru nokkuð þunnskipaðir í öftustu línu þar sem Gunnar Vatnhamar og Róbert Orri Þorkelsson eru frá vegna meiðsla, Karl Friðleifur Gunnarsson er í banni. Jón Guðni Fjóluson er á bekknum en hann er ekki klár í að byrja, Halldór Smári Sigurðsson er sömuleiðis á bekknum.
Það er Breiðhyltingurinn Gilli sem fær kallið í byrjunarliðið. Hann er ásamt Oliver Ekroth og Tarik Ibrahimagic í þriggja manna varnarlínu samkvæmt uppstillingu UEFA. Þeir Davíð Örn Atlason og Helgi Guðjónsson eru samkvæmt henni í vængbakvörðum. Uppstillingin var til umræðu í upphitun Stöð 2 Sport fyrir leikinn.
Það er Breiðhyltingurinn Gilli sem fær kallið í byrjunarliðið. Hann er ásamt Oliver Ekroth og Tarik Ibrahimagic í þriggja manna varnarlínu samkvæmt uppstillingu UEFA. Þeir Davíð Örn Atlason og Helgi Guðjónsson eru samkvæmt henni í vængbakvörðum. Uppstillingin var til umræðu í upphitun Stöð 2 Sport fyrir leikinn.
Lestu um leikinn: Víkingur R. 2 - 1 Panathinaikos
„Ég hef enga ástæðu til að efast um að leikkerfið og uppstillingin sé svona, en ég skal alveg viðurkenna að þetta kemur mér á óvart. Ef ég rýni strax í þetta þá finnst mér áhugavert að sjá Gilla og Tarik sitthvoru megin við Ekroth. Það er stór breyting á því sem við höfum séð hjá Víkingum. Fyrir mér að horfa á þetta utanfrá, ég veit ekki hversu vel drillaðir þeir eru. Það væri kannski eðlilegra þegar þú ert að koma inn með „nýja" menn að vera bara í 4-3-3 og mæta Panathinaikos stöðu fyrir stöðu," sagði Baldur Sigurðsson.
Hann og Atli Viðar Björnsson veltu svo fyrir sér hvort að Davíð Örn Atlason yrði einn af þremur miðvörðum eða hvort Víkingar yrðu með hefðbundna fjögurra manna varnarlínu.
Leikurinn hefst núna klukkan 17:45
Athugasemdir
