Bayern München gæti gert óvænt tilboð í Rashford - Liverpool hafnaði fyrirspurn Bayern um Díaz og ætlar ekki að selja hann
   mán 13. júlí 2020 08:24
Magnús Már Einarsson
Bróðir Serge Aurier myrtur
Christhoper Aurier, bróðir Serge Aurier varnarmanns Tottenham, fannst látinn í morgun.

Christopher fannst látinn fyrir utan næturklúbb í Toulouse í Frakklandi en svo virðist sem hann hafi verið skotinn til bana.

Franskir fjölmiðlar greina frá því að ekki sé búið að hafa hendur í hári þess sem var að verki og lögregla leiti nú byssumannsins.

Christopher var 26 ára gamall en hann spilaði með Toulouse Rodeo í fimmtu efstu deild í Frakklandi.

Serge Aurier er fastamaður í liði Tottenham en hann spilaði í sigri á Arsenal í Lundúnarslag í gær.
Athugasemdir
banner
banner