Þórólfur Guðnason, sóttvarnalæknir, telur að það taki lengri tíma nú en í fyrstu bylgjunni að sjá rénun kórónaveirufaraldursins. Hann ætlar að skila heilbrigðisráðherra nýju minnisblaði á fimmtudaginn og á von á að hertar aðgerðir gildi áfram.

Þetta kemur fram á Vísi.

Samkvæmt tilmælum ÍSÍ eru engar æfingar hjá íþróttafélögum á höfuðborgarsvæðinu. Fótboltafélög á svæðinu vonast eftir því að hægt verði að hefja æfingar á ný í næstu viku.

Allt mótahald liggur niðri hjá KSÍ en sambandið hefur sagt ætla að reyna eftir fremsta megni að klára mótið.

Umræða um að hætta keppni hefur verið áberandi undanfarna daga og sérstaklega eftir að Leikmannasamtökin létu framkvæma könnun þar sem í ljós kom að stór hluti leikmanna vilji að keppni verði hætt.

Samkvæmt reglugerð KSÍ er svigrúm til 1. desember til að klára Íslandsmótið en ef það tekst ekki mun meðalstigafjöldi ráða úrslitum.

Sjá einnig:
Svona endar Íslandsmótið ef keppni verður hætt

Þórólfur leggur áherslu á að það þurfi að fara hægt í að aflétta aðgerðum. Núgildandi aðgerðir falla úr gildi næstkomandi mánudag.

„Ég held ég verði að sjá núna næstu dagana hvernig þróunin verður en eins og ég hef sagt margoft þá held ég að við verðum að fara mjög hægt í það að aflétta, annars fáum við það bara í bakið aftur og það tekur okkur þá lengri tíma að reyna að ráða að niðurlögum faraldursins aftur," segir Þórólfur við Vísi.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit