Stjarnan gerði 3-3 jafntefli við Víking á heimavelli í síðasta leik 3. umferðar Pepsí-deildar karla í kvöld. Þórarinn Ingi var að spila sinn fyrsta leik fyrir Stjörnuna og skoraði fyrsta mark leiksins.

„Úr því sem komið var hefðum við átt að klára þetta og fá þessi helvítis þrjú stig."

Þórarinn kom frá FH fyrir helgi og er mjög ánægður að vera kominn til Stjörnunnar.

„Ég er kominn í Stjörnuna sem er frábær klúbbur og með frábært umhverfi og allt til alls. Ég er bara virkilega ánægður með að vera kominn hingað og spila fótbolta með Stjörnunni."