Hrafnhildur Salka fer í tveggja leikja bann
Hrafnhildur Salka Pálmadóttir, leikmaður Vals, verður í leikbanni í næstu tveimur leikjum liðsins eftir að hafa fengið rautt fyrir hártog í 3-2 tapi liðsins Breiðabliki á dögunum.
Atvikið átti sér stað á 18. mínútu leiksins er Barbára Sól Gísladóttir gabbaði Hrafnhildi sem reif í hár hennar og uppskar rauða spjaldið fyrir.
Atvikið átti sér stað á 18. mínútu leiksins er Barbára Sól Gísladóttir gabbaði Hrafnhildi sem reif í hár hennar og uppskar rauða spjaldið fyrir.
Þetta er í annað sinn á tímabilinu þar sem gefið er rautt spjald fyrir hártog en það gerðist einnig í leik hjá Val og Grindavík/Njarðvík er Maci Teater, leikmaður síðarnefnda liðsins, reif í hár Kimberley Dóru Hjálmarsdóttur.
Aga- og úrskurðarnefnd KSÍ hefur dæmt hana í tveggja leikja bann.
Stjörnumennirnir Jóhann Árni Gunnarsson og Daníel Finns Matthíasson eru komnir í leikbann eftir uppsöfnuð spjöld í Mjólkurbikarnum. Þeir fara í eins leiks bann.
Viktor Örn Margeirsson, leikmaður Breiðabliks, sá rautt spjald í 2-1 sigri Blika á Þrótti í bikarnum. Hann fer einnig í eins leiks bann.
