Besta deild kvenna: Öruggur sigur Þórs/KA í Víkinni

Þór/KA er komið upp í efri hlutann eftir sigur á Víkingi í Víkinni í kvöld. Dagný Rún Pétursdóttir var hársbreidd frá því að koma Víkingi yfir snemma leiks en setti boltann rétt framhjá.

Stuttu síðar tókst Þór/KA að refsa. Hildur Anna Birgisdóttir skoraði með skoti sem fór undir Telmu Ívarsdóttur.

Jasmín Erla Ingadóttir komst í færi til að jafna metin undir lok fyrri hálfleiks en skaut rétt framhjá. Aftur tókst Þór/KA að refsa, Hildur Anna átti sendingu fram völlinn á Erin Flurey sem skoraði.

Hulda Ósk Jónsdóttir innsiglaði sigur Þórs/KA þegar stundafjórðungur var til loka leiksins. Hildur Anna tók hornspyrnu og boltinn barst til Huldu sem stóð með bakið í markið en skoraði með hælspyrnu.

Víkingur var nálægt því að skora sárabótamark í blálokin en Thea Rhode átti skot í slána. Þór/KA er í 6. sæti með 18 stig en Víkingur á botninum með 11 stig.