Gavi átti stórleik er Barcelona lagði Real Madrid að velli í úrslitaleik spænska Ofurbikarsins um helgina.
Dani Ceballos, miðjumaður Real Madrid, kom inn af bekknum í síðari hálfleik og var pirraður á Gavi eftir að táningurinn braut af sér. Real var að tapa og átti að fá boltann en Gavi rölti með hann í burtu, eftir að hafa fengið dæmda aukaspyrnu gegn sér.
Ceballos réði ekki við pirringinn og tosaði nokkuð harkalega í hárið á Gavi, sem var skiljanlega ósáttur. Dómari leiksins ræddi við leikmenn og hélt leikurinn áfram, en Ceballos var heppinn að sleppa við rautt spjald.
Gavi var þó sáttari aðilinn að leikslokum eftir 1-3 sigur þar sem hann skoraði og lagði upp fyrir leikhlé eftir gott samstarf við Robert Lewandowski.
Athugasemdir
