Páll hefur starfað sem yfirþjálfari hjá Stjörnunni síðastliðin ár og mun koma inn sem þjálfari liðsins sem partur af samstarfi við Stjörnuna. Páll er með master í Íþróttafræði frá HR og með UEFA A og UEFA Elite Youth A þjálfaragráður.

Axel Örn hefur þjálfað yngri flokka Stjörnunnar síðastliðin ár við góðan orðstír og var einnig í þjálfarateymi Álftaness á síðasta tímabili þegar Ríkin Napoleon Djurhuus var aðalþjálfari. Axel er með master í Íþróttafræði frá HÍ og er að ljúka UEFA A þjálfaragráðu núna í apríl.

Álftanes og Stjarnan hafa átt í frábæru samstarfi síðastliðin tvö tímabil og eru að hefja sitt þriðja tímabil í fyrrnefndu samstarfi. Samstarfið er mikilvægur liður í þróun ungra leikmanna í Garðabæ og binda bæði félög áfram miklar vonir til þess að samstarfið haldi áfram að skila sér í bættu starfi hjá báðum félögum.

Álftanes endaði í 7. sæti 2. deildar á síðasta tímabili.