Það er jafnt í hálfleik þar sem Pólland og Holland eigast við í D-riðlinum á EM. Leikurinn fer fram í Hamburg.
Adam Buksa kom Pólverjum yfir eftir stundafjórðung en Hollendingar höfðu verið betri aðilinn í upphafi leiks.
Hollendingar héldu áfram að sækja á Pólverjana eftir markið og það bar loksins árangur.
Cody Gakpo framherji Liverpool jafnaði metin eftir um hálftíma leik þegar skot hans fór af varnarmnni og í netið. Þetta var tíunda landsliðsmark hans í 25. leiknum.
Hollendingar hafa verið mun sterkari aðilinn og naga sig í handabökin að vera ekki með forystuna í hálfleik.
Athugasemdir