Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 17. janúar 2021 09:30
Ívan Guðjón Baldursson
Rooney: Vonandi svörum við á réttan hátt
Mynd: Getty Images
Wayne Rooney stýrði Derby County í fyrsta sinn í gær eftir að hafa verið ráðinn sem knattspyrnustjóri félagsins á dögunum.

Rooney lagði skóna á hilluna fyrir helgi og tók við stjónartaumunum hjá Derby. Í gær átti liðið svo heimaleik við Rotherham sem tapaðist 0-1 og sat Rooney fyrir spurningum að leikslokum.

„Rotherham börðust meira en við í dag. Við vorum ekki nógu góðir á boltanum og ég tók eftir einbeitingarskorti hjá leikmönnum. Það er mjög svekkjandi og ef ég á að tala hreint út þá fannst mér við ekki eiga skilið að fá neitt úr þessum leik," sagði Rooney.

„Auðvitað hafa síðustu vikur verið erfiðar í undirbúningi vegna Covid en það er ekki afsökun fyrir þessu tapi. Strákarnir hafa litið vel út á æfingum síðustu daga en okkur vantaði einfaldlega meiri gæði á boltanum gegn pressuglöðum andstæðingum.

„Ég skil að leikmenn geta gert mistök. Vonandi svörum við þessum á réttan hátt."


Derby hefur ekki gengið vel á tímabilinu hingað til og er liðið í fallsæti með 19 stig eftir 23 umferðir.
Athugasemdir
banner
banner
banner
banner
banner