Zidane: Þetta eru lygasögur - Hef ekki sagt leikmönnum neitt

Zidane tjáði sig um þetta í viðtali eftir 1-0 sigur Real Madrid á Athletic Bilbao í næstsíðustu umferð spænsku La Liga í gær.

„Þetta eru lygasögur, hvernig get ég sagt leikmönnum mínum að ég sé að yfirgefa félagið á þetta mikilvægum tímapunkti á tímabilinu? Ég hef ekki sagt neitt við leikmenn um mína framtíð," sagði Zidane í gær.

Talið er þeir Carlo Ancelotti og Max Allegri séu efstir á lista Florentino Perez, forseta Real, ef Zidane ákveður að stíga til hliðar.

Ein umferð er eftir af La Liga og þarf Real Madrid að vinna í lokaumferðinni og treyst á að Atletico misstígi sig gegn Valladolid á útivelli til að verða meistari.