Austurríki og Frakkland eigast við í lokaleik dagsins á Evrópumótinu og hafa byrjunarliðin verið tilkynnt. Það er ýmislegt sem kemur á óvart í byrjunarliði Frakka.
Didier Deschamps kýs að nota Ítalíumeistarann Marcus Thuram í fremstu víglínu frekar heldur en Olivier Giroud sem byrjar á bekknum og þá fær William Saliba sjaldgæft tækifæri í hjarta varnarinnar, en Ibrahima Konaté byrjar á bekknum.
Deschamps kýs þá að nota N'Golo Kanté, miðjumann Al-Ittihad sem náði ekki meistaradeildarsæti á nýliðnu tímabili í Sádi-Arabíu, á miðjunni ásamt Adrien Rabiot, miðjumanni Juventus. Þeir eru valdir framyfir Aurelién Tchouaméni og Eduardo Camavinga, leikmenn Real Madrid.
Í liði Austurríkismanna má finna margar stjörnur úr þýsku deildinni þar sem stærstu nöfnin eru Marcel Sabitzer, Nicolas Seiwald, Konrad Laimer og Christoph Baumgartner.
Marko Arnautovic, Philipp Lienhart og Andreas Weimann eru meðal varamanna.
Austurríki: Pentz, Posch, Danso, Wober, Mwene, Seiwald, Sabitzer, Laimer, Baumgartner, Grillitsch, Gregoritsch
Frakkland: Maignan, Kounde, Upamecano, Saliba, Hernandez, Kante, Rabiot, Griezmann, Dembele, Mbappe, Thuram
Athugasemdir
