Edin Dzeko, framherji Roma, er á leiðinni til Juventus og þá fer Arkadiusz Milik til Roma frá Napoli. Þetta segir Fabrizio Romano rétt í þessu.
Luis Suarez fer ekki til Juventus og þess vegna leitaði félagið til Dzeko í kjölfarið. Allt virðist vera klárt og nú á einungis eftir að klára læknisskoðanir áður en skiptin verða staðfest.
Bosníumaðurinn stóri og stæðilegi kom til Roma endanlega árið 2016 frá Manchester City en árið á undan var hann á láni hjá félaginu. Hann spilaði alls 172 leiki og skoraði 78 mörk.
Milik kom til Napoli fá Ajax árið 2016 og þar hefur hann skorað 38 mörk í 93 leikjum.
Þá segir Fabrizio að Atletico Madrid sé að reyna fá Suarez.
Edin Dzeko to Juventus and Arkadiusz Milik to Roma, here we go! Total agreement has been reached between the three clubs involved [Napoli just sold Milik to Roma] and also personal terms have been completed. Medicals soon. *No* Luis Suarez for Juventus. 🤝🚨 @SkySport #Juve #Roma
— Fabrizio Romano (@FabrizioRomano) September 17, 2020
Athugasemdir