Diego Simeone, stjóri Atletico Madrid, hefur tjáð sig um brottför miðjumannsins Thomas Partey sem er genginn í raðir Arsenal.
Simeone vann með Partey í dágóðan tíma hjá Atletico en hann var keyptur til enska félagsins fyrir 45 milljónir punda í sumar.
Margir búast við miklu af Partey á miðju Arsenal og eru stuðningsmenn vongóðir eftir hans komu.
„Ég man eftir Thomas síðan hann spilaði með B liði Atletico Madrid ásamt Saul Niguez," sagði Simeone.
„Við byrjuðum að nota hann í aðalliðinu og það tók á. Hann fór til Almeria og þar var hann í erfiðleikum með að finna stöðugleika."
„Í dag er hann magnaður leikmaður og við óskum honum alls hins besta."
Athugasemdir