TM mót Stjörnunnar fer fram á knattspyrnusvæði Stjörnunnar í Garðabæ dagana 21.-24.apríl og 30.apríl. Keppt er í 6. 7. og 8.flokki hjá strákum og stelpum.
Á TM-Móti Stjörnunnar í fyrra mættu um 2600 þátttakendur á erfiðum tímum Covid-19 veikinnar en þar áður um 4000 þátttakendur.
Í fyrra var jafnframt í fyrsta sinn notast við leikjafyrirkomulags uppsetningu í Tourneopal sem auðveldar uppsetningu leikjaplans fyrir skipuleggjendur mótsins sem og þjálfara / foreldra til muna. Áfram verður notast við þetta fyrirkomulag. Þátttökugjald mótsins er óbreytt eins og hefur verið síðustu ár, eða 2.750 krónur og fylgja vegleg þátttökuverðlaun með.
Spilaður er 5-manna bolti í öllum flokkum og er spiltími hvers liðs að lágmarki klukkutími. Spilað er eftir nýjum reglum, þar sem ekki eru tekin innköst heldur er sparkað / rekið boltann inn á völlinn. Leikirnir eru 12 mínútur með þremur mínútum á milli leikja.
Ein leikklukka. Viðvera hvers liðs ekki meir en tvær klukkustundir. Úrslit leikja ekki skráð. Fjórir styrkleikaflokkar eru í kvennaflokkunum en sex styrkleikaflokkar hjá karlaflokkunum.
Leikið verður á eftirfarandi dögum:
Fimmtudaginn 21.apríl ( sumardagurinn fyrsti) – 6.flokkur karla
Laugardaginn 23.apríl – 7.flokkur karla
Sunnudaginn 24.apríl – 8.flokkur karla og kvenna
Laugardaginn 30.apríl – 6.-7.flokkur kvenna
Skráningar eða frekari spurningar skal senda á [email protected]
Facebook síða mótsins en þar eru birtar frekari upplýsingar tengt mótinu
Athugasemdir