Lestu um leikinn: HK 4 -  1 Þór

„Síðustu þrjá útileiki höfum við verið slakir og við höfum ekki mætt til leiks. Við mættum ekki til leiks á móti Skaganum og við vorum lélegir á móti góðu liði Fram en náum þó að klóra í eitt stig þar og við vorum ekki nægilega góðir í dag. Við létum þá líta hrikalega vel út í dag."

HK-ingar skoruðu þrjú mörk í fyrri hálfleik og skoraði Brynjar Jónasson fyrsta mark HK með skoti utan teigs sem Aron í marki Þórs hefði hæglega getað gert betur í.

„Fyrsta markið hjá þeim er alveg skelfilegt mark þar sem boltinn gjörsamlega lak inn. Áður en þeir skora annað markið fáum við þvílíkt tækifæri til að jafna leikinn ef og hefði, hefði það gerst hefði það kveikt í mínum mönnum og leikurinn breyst, ég veit það ekki. Síðan fáum við annað mjög klaufalegt mark á okkur og þá er þetta orðið erfitt."

Þór mætir Magna í næstu umferð á heimavelli á fimmtudaginn. Lárus Orri segir að staðan verði tekin eftir þann leik, hvort liðið eigi enn séns á sæti í Pepsi-deildinni.

Viðtalið við Lárus Orra í heild sinni má sjá í sjónvarpinu hér að ofan.