Theódór Elmar Bjarnason og liðsfélagar hans í tyrkneska félaginu Akhisarspor byrja þetta tímabil á sigri.
Elmar var í byrjunarliðinu er liðið mætti Adanaspor AS á heimavelli sínum í tyrknesku B-deildinni í dag.
Akhisarspor klúðraði vítaspyrnu í fyrri hálfleik. SIgurmarkið kom úr vítaspyrnu á 82. mínútu. Þá var Elmar farinn af velli, en hann var tekinn út af eftir tæpan klukkutíma.
Theódór Elmar gekk í raðir Akhisarspor og gerði hann þá tveggja ára samning. Akhisarspor féll úr tyrknesku úrvalsdeildinni í vor.
Spezia úr leik í ítalska bikarnum og AZ gerði jafntefli
Sveinn Aron Guðjohnsen kom ekki við sögu þegar Spezia féll úr leik í ítalska bikarnum gegn Sassuolo í kvöld. Leikurinn endaði 1-0. Sassuolo er í úrvalsdeild og Spezia í B-deild.
Sveinn Aron skoraði sitt fyrsta mark fyrir aðallið Spezia í síðustu umfeðr bikarsins í 5-0 sigri.
Þá var einnig leikið í hollensku úrvalsdeildinni í dag. Albert Guðmundsson var allan tímann á bekknum í markalausu jafntefli gegn Groningen. AZ er með sjö stig eftir þrjá leiki.
Athugasemdir