Sveinn Aron Guðjohnsen skoraði eitt af fimm mörkum Spezia þegar liðið komst áfram í ítalska bikarnum í kvöld.
Spezia úr Seríu B tók á móti Pro Patria úr Seríu C. Sveinn Aron var í byrjunarliði Spezia og hann skoraði annað mark liðsins á 24. mínútu leiksins. Hans fyrsta mark í keppnisleik með Spezia.
Staðan var 2-0 í hálfleik, en í seinni hálfleiknum bætti Spezia við þremur mörkum.
Spezia fer því áfram í bikarnum. Fróðlegt verður að sjá hvert hlutverk Sveins verður í vetur, en á seinni hluta síðasta tímabils var hann í láni hjá Ravenna í C-deildinni. Sveinn er 21 árs gamall.
Sveinn Aron Gudjohnsen (1998) scored his first goal for Spezia Calcio in an official match when they won Aurora Pro Patria 1919 in the Italian Cup 5-0. Very interesting season ahead for Sveinn Gudjohnsen in Italy. 🇮🇸⚽️👏 #TeamTotalFootball pic.twitter.com/fpAUFdCOAn
— Total Football (@totalfl) August 11, 2019
Athugasemdir