Stígur Diljan Þórðarson, leikmaður Víkings, verður frá næstu átta vikurnar þar sem hann er með brotið bein í ristinni.
Hann varð fyrir þessum meiðslum í leiknum gegn KR á mánudag, fór í myndatöku í gær og niðurstaðan sú að hann verður frá í um tvo mánuði.
Hann varð fyrir þessum meiðslum í leiknum gegn KR á mánudag, fór í myndatöku í gær og niðurstaðan sú að hann verður frá í um tvo mánuði.
Stígur, sem er 19 ára, mun því missa af forkeppni Sambandsdeildarinnar með Víkingi og líklegast allavega sjö deildarleikjum.
Hann kom inn á sem varamaður gegn KR en gat ekki klárað leikinn vegna meiðslanna. Inn í hans stað kom Ali Basem Almosawe - Almo - sem Víkingur keypti frá Danmörku undir lok gluggans.
Athugasemdir
