Traore, sem er 25 ára gamall, var opinn fyrir því að yfirgefa Wolves eftir að hann missti sæti sitt í liðinu fyrr á þessu tímabili.

Honum tókst að vinna sig aftur inn í liðið og er nú ánægður hjá félaginu eftir því sem Goal.com kemst næst.

Traore er í samningaviðræðum við Wolves en núverandi samningur rennur út árið 2023.

Barcelona og Liverpool hafa sýnt leikmanninum áhuga síðustu mánuði en Traore hefur farið fram á að það verði klásúla í samningnum sem leyfir honum að fara í stærra lið ef ákveðnum skilyrðum er mætt.