Það var tilkynnt í dag að þjálfarinn Jess Thorup hefði verið rekinn frá FC Kaupmannahöfn í Danmörku.
Gengi FCK á nýju tímabili hefur verið langt undir væntingum og liðið situr í níunda sæti.
Íslensku landsliðsmennirnir Ísak Bergmann Jóhannesson og Hákon Arnar Haraldsson spila fyrir FCK og einnig U21 landsliðsmaðurinn Orri Óskarsson.
Orri Steinn, sem er núna í verkefni með U21 landsliðinu, birti í dag færslu á samfélagsmiðlum þar sem hann þakkaði þjálfaranum fyrir.
„Til mannsins sem gaf mér minn fyrsta leik og trúði á mig, takk fyrir," skrifar Orri Steinn, sem er 18 ára gamall, um Thorup á Twitter en hér fyrir neðan má sjá færsluna.
to the man who gave me my debut and belived in me, thank you for everything 💙 pic.twitter.com/XWLsZY9vIe
— orri steinn (@orristeinn29) September 20, 2022
Athugasemdir