Unai Emery, stjóri Arsenal, er nú talinn líklegastur samkvæmt veðbönkum til að vera næsti stjóri sem verður rekinn.

Mauricio Pochettino var á þeim lista en hann var rekinn frá Tottenham í gær og Jose Mourinho var kynntur sem nýr stjóri í morgun.

Undir stjórn Emery hefur Arsenal aðeins unnið tvo af síðustu tíu úrvalsdeildarleikjum.

Spánverjinn fékk yfir 100 milljónir punda í að styrkja hóp sinn í sumar en stigasöfnunin hefur ekki verið eftir því.

Tapið gegn Leicester í síðustu umferð skilur Arsenal níu stigum frá Meistaradeildarsætunum. Það er pressa á Emery að snúa þessu gengi við.

Þá hafa ýmsar ákvarðanir hans verið harkalega gagnrýndar, til dæmis sú ákvörðun að gera Granit Xhaka að fyrirliða.

Mourinho hefur verið orðaður við Arsenal en nú er ljóst að það er ekki að fara að gerast.

Tweet

Senda a Facebook Hafdu samband Senda frétt Prenta frétt Frétta leit